އަނިޔާވެރި ނިންމުމެއް؛ ޕީއެންސީގެ ލިސްޓަކަށް އެއްވެސް ކުށެއް ނެތް އެޗްޑީސީގެ ވެރިންތަކެއް ސަސްޕެންޑުކޮށްފި
އަދަދު
5 އޯގަސްޓު 2025 | އަންގާރަ | 9:46
ވަޒީފާއާ ގުޅޭ ގޮތުން އިދާރީ އެއްވެސް ފިޔަވަޅެއް މިހާތަނަށް އަޅާފައިނެތް އެޗްޑީސީގެ ވެރިންތަކެއް މުއްދަތެއް ނެތް ގޮތަށް ސަސްޕެންޑުކޮށްފި އެވެ.
އަދަދު ނޫހަށް އެނގިފައިވާ ގޮތުގައި އެޗްޑީސީން ސަސްޕެންޑު ކުރީ ޖުމުލަ ފަސް މުވައްޒަފެކެވެ. އޭގެ ތެރޭގައި އެންމެ އިސް މަގާމުތަކުގައި ތިއްބެވި ތިން ވެރިޔަކު ހިމެނެ އެވެ. އެއީ ލީގަލް ޑިޕާޓުމެންޓުގެ ވެރިޔަކަށް ހުންނެވި ޑރ. ފާތުމަތު ޝިއުނީ އާއި ޗީފް ޕްލޭނިން އޮފިސަރަކަށް ހުންނެވި އަހުމަދު ޒިނަފު އަދި ޗީފް ހިއުމަން ރިސޯސަސް އޮފިސަރު މުހައްމަދު އިލްހާމެވެ.
"ދެން އޮތީ އެ މީހުން ކަނޑާލުން. މިކަން އެކުރަނީ ޕީއެންސީ އަންގައިގެން. މިއީ އަނިޔާވެރި ނިންމުމެއް،" މި މައުލޫމާތު އެނގޭ މީހަކު ނޫހުގައި ނަން ނުޖެހުމަށް ޝަރުތުކޮށް ބުންޏެވެ.