ބާރަށު ދާއިރާގެ މެންބަރު އިބްރާހިމް ޝުޖާއުއަށް ކޮރަޕްޝަނާއި ނުހައްގު މުއްސަދިކަން ހޯދިކަމުގެ ތުހުމަތުކޮށް މަރުކަޒީ ބޭންކުގެ ފައިނޭންޝަލް އިންޓެލިޖެންސް ޔުނިޓް (އެފްއައިޔޫ) އިން ތައްޔާރުކޮށްފައިވާ ރިޕޯޓެއްގެ މައްސަލަ އިދާރާތަކުން ތަހުގީގުކުރަމުން އަންނަނިކޮށް އޭނާ ހިމެނޭ ރައްޔިތުންގެ މަޖިލީހުގެ އެސްއޯއީ ކޮމިޓީން ވަކިކޮށްފި އެވެ.

އޭނާއަކީ އެ ކޮމިޓީގެ މުގައްރިރެވެ. ޝުޖާއުގެ ބަދަލުގައި އެ ކޮމިޓީއަށް ހަމަޖެއްސީ އިހަވަންދޫ ދާއިރާގެ މެންބަރު އަހްމަދު ނަސީރު އެވެ. މިއީ ސަރުކާރުގެ ހިއްސާ އޮންނަ ކުންފުނިތަކުގެ ކަންކަމަށް ފާރަވެރިވުމަށް މަޖިލީހުގައި ގާއިމުކޮށްފައިވާ ކޮމިޓީއެކެވެ.

އޭގެ އިތުރުން މިއަދު އިތުރު ބަދަލެއް ވެސް ވަނީ ގެނެސްފަ އެވެ. ޖުޑީޝަރީ ކޮމިޓީން ހުރާ ދާއިރާގެ މެންބަރު އަނާރާ ނައީމް ވަކިކުރުމަށް ފަހު އޭނާގެ ބަދަލުގައި ވިލުފުށީ ދާއިރާގެ މެންބަރު ހަސަން ވަހީދު ވަނީ ހަމަޖައްސާފަ އެވެ.

މައުޟޫޢުތަށް