ވިޔަފާރި މުއާމަލާތެއް ހިނގާ ވަގުތު އެ މުއާމަލާތަކުން ދައްކަން ޖެހޭ ޓެކްސް ފައިސާ ދައުލަތަށް ލިބޭ ގޮތަށް ހެދުމުން ޓެކްސް ފައިސާ ހޯދަން ފަސޭހަވާނެ ކަމަށް ވިދާޅުވެ އެގޮތަށް އަމަލު ކުރަން ފަށަން ފުވައްމުލެއް ދެކުނު ދާއިރާގެ މެންބަރު އިބްރާހިމް ހުސައިން ހިޔާލެއް ހުށަހަޅުއްވައިފި އެވެ.

ސަރުކާރުން އަމިއްލަ ވިޔަފާރިތައް ލައްވައި ކުރުވި މަސައްކަތަށް ދައްކަން ޖެހޭ ފައިސާ ނުދައްކާ ކަމުގެ ޝަކުވާ ބޮޑުވެފައިވާ ދަނޑިވަޅެއްގައި ޓެކްސް ނެގުމުގެ ކަންކަން ބަލަހައްޓާ މީރާއަށް ދީފައިވާ ބާރުތައް އިތުރުކޮށް ޓެކްސް ނުދައްކާ މީހުން ޖަލަށްލާން މަޖިލީހަށް ބިލެއް ވަނީ ހުށަހަޅާފަ އެވެ.

އެ ބިލުގެ ބަހުސްގައި ވާހަކަ ދައްކަވަމުން ވެރިކަން ކުރާ ޕީޕަލްސް ނެޝަނަލް ކޮންގްރެސް (ޕީއެންސީ) އަށް ނިސްބަތްވާ އިބްރާހިމް ވިދާޅުވީ ކުންފުންޏަކުން ރިޕޯޓެއް ހުށަހަޅައިގެން ޓެކްސް ނަގާ ކަމަށްވާނަމަ ދުވަހަކު ވެސް އެކަން ރަނގަޅަށް ނުކުރެވޭނެ ކަމަށެވެ.

މައުޟޫޢުތަށް