ނަރުހުންނާއި ފޫޅުމައިންގެ ކައުންސިލަށް ފިރިހެން ވަކީލަކު ހޯދަން ކުރި އިއުލާން ބާތިލުކޮށްފި
އަދަދު
6 އޯގަސްޓު 2025 | ބުދަ | 2:21
ގާނޫނުއަސާސީ އާއި ވަޒީފާއާ ބެހޭ ގާނޫނުގައި ވަކި ޖިންސަކަށް ނިސްބަތްވާތީ ތަފާތު ނުކުރެވޭނެ ކަމަށް ބަޔާންކޮށްފައި ވަނިކޮށް މޯލްޑިވްސް ނާސިން އެންޑް މިޑްވައިފަރީ ކައުންސިލް (ނަރުހުންނާއި ފޫޅުމައިންގެ ކައުންސިލް) އަށް ވަކީލެއް ހޯދަން ކުރި އިއުލާނުގައި އެ މަގާމަށް ނަގާނީ ހަމައެކަނި ފިރިހެނެއް ކަމަށް ބަޔާންކޮށްފި އެވެ.
އެ ކައުންސިލް ވުޖޫދުކުރި ގާނޫނު ކަމަށްވާ ސިއްހީ ހިދުމަތުގެ ފަންނީ މަސައްކަތްތެރިންގެ ގާނޫނުގެ 36 ވަނަ މާއްދާގައި ބުނަނީ ގާނޫނީ ވަކީލެއްގެ ޝަރުތަކަށް ވާން ޖެހޭނީ ރާއްޖޭގައި މަސައްކަތްކުރާތާ މަދުވެގެން ފަސް އަހަރު ދުވަހުގެ ތަޖުރިބާ ލިބިފައިވާ މީހެއް ކަމަށެވެ.
"މަގާމަށް ކުރިމަތިލާ ފަރާތްތަކުގެ ތެރެއިން އެ މަޤާމަށް ޢައްޔަންކުރާނީ، ޝަރުތު ހަމަވާ ކެނޑިޑޭޓުންނާ އިންޓަރވިއުކޮށް، ތައުލީމާއި ތަޖުރިބާއާއި އިންޓަރވިއުގެ ޖުމްލަ އެންމެ މަތީ މާކުސް ލިބޭ ފަރާތްތަކުގެ ތެރެއިން ފިރިހެން ބޭފުޅެއް،" މީގެ ކުޑަ ވަގުތުކޮޅެއް ކުރިން ބާތިލު ކުރި އިއުލާނުގައި ބުނެފައިވެ އެވެ.