ގެދޮރު އަޅަން މާލީ ގޮތުން ދަތިކަން ކުރިމަތިވާ މީހުންނަށް ލުއި ގޮތްތަކެއް ހޯދައިދޭން ވެގެން ސަރުކާރުން ތައާރަފުކުރި 'ހިޔާވެހި ފައިނޭންސިން ސްކީމް' އަށް ކުރިމަތިލީ 100 އަށް ވުރެ ގިނަ މީހުން ބޭންކުގެ ފައިނޭންޝަލް އެލިޖިބިލިޓީ ފެއިލުވެއްޖެ އެވެ.

ހިޔާވެހި ފައިނޭންސިން ސްކީމަކީ ފަސް ޕަސެންޓު ޕްރޮފިޓު ރޭޓުގައި ދޫކުރާ އިސްލާމީ ޝަރީއާގެ ހަމަތަކަށް ފެތޭ ފައިނޭންސިން ސްކީމެކެވެ. މި ސްކީމު ހިންގަނީ ބޭންކް އޮފް މޯލްޑިވްސް (ބީއެމްއެލް) އާއި މޯލްޑިވްސް އިސްލާމިކް ބޭންކު (އެމްއައިބީ) އާއި ހައުސިން ޑިވެލޮޕްމަންޓް ފައިނޭންސް ކޯޕަރޭޝަން (އެޗްޑީއެފްސީ) މެދުވެރިކޮށެވެ.

ހިޔާވެހި ސްކީމަށް ހުށަހެޅުމުގެ ސުންގަޑި މިދިޔަ މެއި މަހުގެ ނިޔަަލަށް ހަމަވީއިރު 2،256 ފޯމެއް ލިބިފައިވާ ކަމަށް ހައުސިން މިނިސްޓްރީން ބުނެފައި ވެ އެވެ. އެއީ 'ރަށްވެހި' ސްކީމަށް 1329 ފޯމާއި، 'ސަހަރު' ސްކީމަށް 586 ފޯމާއި، 'ފަހިމާލެ' ސްކީމަށް 341 ފޯމެވެ.

މައުޟޫޢުތަށް