މިނިސްޓަރުން މަޖިލީހަށް ހާޒިރުނުވާތީ އެމްޑީޕީ ޕީޖީގެ ސިޓީއެއް މުއިއްޒަށް
އަދަދު
8 އޯގަސްޓު 2025 | ހުކުރު | 4:10
ކެބިނެޓުގައި ހިމެނިވަޑައިގަންނަވާ މިނިސްޓަރުންނާ ސުވާލުކުރަން ރައްޔިތުންގެ މަޖިލީހަށް ހާޒިރުވާން އެންގުމުން ވެސް ހާޒިރު ނުވާތީ، އެކަން ރައީސް މުހައްމަދު މުއިއްޒުގެ ސަމާލުކަމަށް އިދިކޮޅު އެމްޑީޕީގެ ޕާލިމަންޓްރީ ގްރޫޕް (ޕީޖީ) އިން ގެނެސްފި އެވެ.
މަޖިލީހުގައި ތިއްބަވާ އެމްޑީޕީގެ 12 މެންބަރުން ސޮއިކުރައްވާ މުއިއްޒުއަށް ފޮނުއްވި ސިޓީއެއްގައި ވިދާޅުވީ ގާނޫނު އަސާސީގައި ބުނާގޮތުން މަޖިލީހުގެ މެންބަރަކު މިނިސްޓަރަކާއި ނުވަތަ ސަރުކާރުގެ މަގާމެއްގައި ހުންނަ ބޭފުޅަކާއި ސުވާލުކުރަން ބޭނުންވާ ހިނދެއްގައި މަޖިލީހަށް ހާޒިރު ކުރެވޭ ކަމަށެވެ.
"ވަޒީރުންގެ މަޖިލީހުގެ މެންބަރަކާ ނުވަތަ ސަރުކާރުގެ އެއްވެސް ފަރާތަކާ އެ މީހަކު އަދާކުރާ މަސްއޫލިއްޔަތުތަކާ ގުޅިގެން ރައްޔިތުންގެ މަޖިލީހުގެ މެންބަރަކު ކުރާ ކޮންމެ ސުވާލަކަށް އެ މީހަކަށް އެނގިހުރި އެންމެ ރަނގަޅަށް ތެދުބަހުން ޖަވާބު ދޭންވާނެކަމަށް، ދެންނެވުނު މާއްދާ (ގާނޫނު އާސާސީގެ 98 މާއްދާ) ގެ (ނ) ބަޔާންކޮށްފައިވޭ،" އެމްޑީޕީ ޕީޖީން ބުންޏެވެ.