ޒަކިއްޔާގެ މަރުގެ ތަހުގީގުގައި އިހުމާލުވި ހަ ފުލުހަކަށް ދައުވާކުރުމާމެދު ގޮތެއް ނިންމަނީ
އަދަދު
10 އޯގަސްޓު 2025 | އާދިއްތަ | 11:18
މިދިޔަ އަހަރުގެ ސެޕްޓެމްބަރު 10، ގައި ނ. ހޮޅުދޫގައި މަރުވެފައި އޮއްވައި ފެނުނު އެ ރަށު މާރަނގަ، ޒަކިއްޔާ މޫސާ، 50 ގެ މަރުގެ ތަހުގީގުގައި އިހުމާލުވި ހަ ފުލުހަކަށް ދައުވާ ކުރުމާމެދު ޕްރޮސެކިއުޓާ ޖެނެރަލް އޮފީސް (ޕީޖީ) އިން ބަލަން ޖެހޭ ކަންކަން ބަލަން ފަށައިފި އެވެ.
ޒަކިއްޔާގެ މަރުގެ ތަހުގީގައި ފުލުހުން އިހުމާލުވެފައި ކަމަށް ތުހުމަތުތައް އަމާޒުވުމުން އެ މައްސަލަ އަމިއްލައަށް އިސް ނަގައިގެން ނެޝަނަލް އިންޓަގްރިޓީ ކޮމިޝަން (އެންއައިސީ) އިން ތަހުގީގު ކުރުމަށްފަހު ހަ ފުލުހަކަށް ދައުވާ ކުރުމަށް ޕީޖީއަށް ހުށަހެޅީ އެ ކޮމިޝަނުންނެވެ.
އެންއައިސީން ވަނީ ޒަކިއްޔާގެ މަރުގެ މައްސަލަ ފުލުހުންނަށް ރިޕޯޓް ކުރުމާއި ހަމައިން ފުލުހުން މައްސަލައިގައި ސީންއަށް އެޓެންޑްވެ، މައްސަލަ ތަހުގީގު ކުރުމުގައި އަމަލުކޮށްފައިވަނީ ގާނޫނާއި ގަވާއިދާ އެއްގޮތަށްތޯ ބަލާފަ އެވެ.