މޯލްޑިވްސް އެކްސްޕޯއަށް ސެންޓްރަލް ޕާކުގައި ޖެހި ޓެންޓު ނުނަގާ ދެ މަސް!
އަދަދު
10 އޯގަސްޓު 2025 | އާދިއްތަ | 2:09
އިކޮނޮމިކް މިނިސްޓްރީން އިންޒިޒާމުކޮށްގެން މިދިޔަ މެއި މަހުގެ ފަހުކޮޅު ހުޅުމާލޭ ސެންޓްރަލް ޕާކުގައި ބޭއްވި މޯލްޑިވްސް އެކްސްޕޯ 2025 އަށް އެ ތަނުގައި ޖެހި ބޮޑު ޓެންޓެއް ނުނަގާ މައްްސަލަ ބޮޑުވެއްޖެ އެވެ.
މި ޓެންޓަކީ އެ އެކްސްޕޯއަށް އެ ސަރަހައްދު ތައްޔާރުކުރަން ފެށީންސުރެން އެ ތަނުގައި ޖަހާފައި ހުރި ޓެންޓެކެވެ. އެ ތަނުގައި ހުރި އެހެން ހުރިހާ ޓެންޓުތަކެއް ނަގައިގެން ދިޔަ ނަމަވެސް، އެކްސްޕޯ ނިމުނުތާ ދެ މަހަށް ވުރެ ގިނަ ދުވަސް ވޭތުވެގެން ދިޔަ އިރު ވެސް މި ޓެންޓެއް ނުނަގަ އެވެ.
ޓެންޓު އެ ތަނުން ނުނަަގާ މައްސަލައިގައި ސެންޓްރަލް ޕާކު ބަލަހައްޓާ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ރަސްމީ ބަހެއް ނުލިބުނެވެ. އެ ކަމަކު ނަން ނުޖަހާ ގޮތަށް އަދަދު ނޫހާ ވާހަކަ ދެއްކި އެޗްޑީސީގެ އޮފިޝަލުންގެ ފުށުން މި މައްސަލައިގައި ގިނަ މައުލޫމާތުތަކެއް ލިބިފައި ވެ އެވެ.