ސެންޓްރަލް ޕާކުން ސުޖާއުގެ ޓެންޓު ނުނަގައި ހުއްޓާ ހަމަ އެތަނުގައި ޖަހާނެ ބޮޑު ޓެންޓެއް ޓުއަރިޒަމް މިނިސްޓްރީ އިން ހޯދަނީ
އަދަދު
11 އޯގަސްޓު 2025 | ހޯމަ | 8:07
މޯލްޑިވްސް އެކްސްޕޯ ބާއްވަން މިދިޔަ މެއި މަހު ސެންޓްރަލް ޕާކުގައި މަޖިލިސް މެންބަރު އިބްރާހިމް ސުޖާއު ޖެހި ޓެންޓު ނުނަގަނީސް، ހަމަ އެތަނުގައި ބޮޑު ޓެންޓެއް ޖަހައިދޭނެ ބަޔަކު ހޯދަން ޓުއަރިޒަމް މިނިސްޓްރީ އިން އިއްޔެ އިއުލާނުކޮށްފި އެވެ.
ޓުއަރިޒަމް މިނިސްޓްރީ އިން ކުރި އިއުލާނުގައި ބުނެފައި ވަނީ ބޭނުންވަނީ 400 މީހުންގެ ޖާގައިގެ ޓެންޓެއް ކަމަށެވެ. ސުޖާއުގެ ޓެންޓަކީ ދިވެހިރާއްޖޭގައި މިވަގުތު ހުރި އެންމެ ބޮޑު ޓެންޓެވެ.
ސުޖާއުގެ ޓެންޓު ނަގަން ހުޅުމާލޭގެ މުނިސިޕަލް ކަންކަން ބަލަހައްޓާ ހައުސިން ޑިވެލޮޕްމަންޓް ކޯޕަރޭޝަނުން ވަނީ ދެފަހަރެއްގެ މަތިން އަންގައިފަ އެވެ. އެކަމަކު، ސުޖާއުގެ ކުންފުނިން ޓެންޓު ނަގަން އެއްވެސް މަސައްކަތެއް ނުކުރާކަން އެނގިފައިވެ އެވެ.