ކުޑަރިކިލު ރައްޔިތުންނާ މުއިއްޒު ބައްދަލުކުރި ޖަލްސާގައި ލާމަރުކަޒީ އިސްލާހުގެ ކަންބޮޑުވުން ހިއްސާކޮށްފި
އަދަދު
11 އޯގަސްޓު 2025 | ހޯމަ | 5:44
ބ. ކުޑަރިކިލު ރައްޔިތުންނާ ރައީސް މުހައްމަދު މުއިއްޒު ބައްދަލުކުރެއްވި ޖަލްސާގައި ލޯކަލް ކައުންސިލުތަކުގެ ބާރު ހަނި ކުރަން ލާމަރުކަޒީ ގާނޫނަށް އިސްލާހު ގެނެސް ރައްޔިތުންގެ މަޖިލީހުން މިދިޔަ ބުދަ ދުވަހު ފާސް ކުރި ބިލާއި ގުޅިގެން ހުރި ކަންބޮޑުވުންތައް ހިއްސާކޮށްފި އެވެ.
ބ. އަތޮޅަށް މުއިއްޒު ކުރައްވާ ދަތުރުގައި ކުޑަރިކިލަށް ވަޑައިގެން އެ ރަށުގެ ރައްޔިތުންނާ ބައްދަލުކުރަން ބޭއްވި ޖަލްސާގައި ވާހަކަދައްކަވަމުން އެ ރަށުގެ ކައުންސިލް ރައީސް އަބްދުލް ހަންނާން އައްބާސް ވިދާޅުވީ ލާމަރުކަޒީ ގާނޫނަށް ގެނައި އިސްލާހާ ގުޅިގެން ހުރި ކަންބޮޑުވުން ފިލުވައިދޭން އެދޭ ކަމަށެވެ.
"ރައީސްގެ ވަރަށް އިހުލާސްތެރިކަމާއެކު އަޅުގަނޑު މިދަންނަވަނީ ރައީސް އެކަމާ ވިސްނާވަޑައިގެން އަޅުގަނޑަށް ޔަގީން ހަމަ ރައީސް އެކަމާ ވިސްނާ ވަޑައިގަންނަވާނެކަން. އެ ބިލުގައި ހުރި ކަންބޮޑުވުންތައް ކައުންސިލްތަކަށް ފިލުވާލަދެއްވުމަކީ އަޅުގަނޑުގެ ވަރަށް ބޮޑު އެދުމެއް،" އޭނާ ވިދާޅުވި އެވެ.