އޭދަފުށީގައި އަޅަން ހަވާލުކުރި 1000 ފްލެޓުގެ އަމަލީ އެއްވެސް މަސައްކަތެއް އަދިވެސް ނުފަށާ
އަދަދު
12 އޯގަސްޓު 2025 | އަންގާރަ | 2:37
ބ. އޭދަފުށީގައި އަޅަން މިދިޔަ އަހަރު ޗައިނާ ކުންފުންޏަކާ ހަވާލުކުރި 1000 ހައުސިން ޔުނިޓުގެ އަމަލީ އެއްވެސް މަސައްކަތެއް އަދިވެސް ނުފަށާ ކަމަށް އެ ރަށު ކައުންސިލުން ބުނެފި އެވެ.
އޭދަފުށީ ކައުންސިލްގެ ރައީސް، މުހައްމަދު ފާތިހު އަދަދު އަށް ވިދާޅުވީ ހައުސިން ޔުނިޓުތައް އެޅުމަށް ބޭނުންވާ ބިން އެ ރަށު ލޭންޑް ޔޫޒް ޕްލޭންގައި ހިމަނައި ކައުންސިލުން ފާސްކޮށްފައިވާ ކަމަށެވެ.
"ރައީސް ވިދާޅުވީ މި އަހަރު ތެރޭގައި އަމަލީ މަސައްކަތް ފެށިގެން ދާނެ ވާހަކަ،" ފާތިހު ވިދާޅުވި އެވެ.