ފެނަކަ ކޯޕަރޭޝަންގެ ކުރީގެ އެމްޑީ އަހުމަދު ސައީދުގެ ޕާސްޕޯޓު ދޫކޮށްލަން ޕްރޮސެކިއުޓާ ޖެނެރަލް އޮފީސް (ޕީޖީ) އިން ކްރިމިނަލް ކޯޓަށް ލަފާ ދިނުމަށްފަހު ފުލުހުންގެ އިންޓެލިޖެންސް ރިޕޯޓަކަށް ބިނާކޮށް ޕާސްޕޯޓު ދޫނުކުރަން ފަހުން ލަފާދީފި އެވެ.

ޕީޖީގެ ތަރުޖަމާނު އަހުމަދު ޝަފީއު އަދަދު އާ ވާހަކަ ދައްކަވަމުން ވިދާޅުވީ ބޭސްފަރުވާއަށް ސައީދު އިންޑިއާއަށް ދިޔުމަށް ހުއްދަ ދޭން އިއުތިރާޒެއް ނެތް ކަމަށް ކްރިމިނަލް ކޯޓަށް ލަފާދިނީ އޭނާގެ ފަރާތުން ޕީޖީއަށް ހުށަހެޅި ލިޔެކިޔުންތަކަށް ރިއާޔަތް ކުރުމަށްފަހު ކަމަށެވެ.

އެކަމަކު ފަހުން ފުލުހުންގެ ފަރާތުން ޕީޖީއަށް ހުށަހެޅި އިންޓެލިޖެންސް ރިޕޯޓަކަށް ރިއާޔަތްކޮށް ޕޯސްޕޯޓު ދޫނުކުރަން ޕީޖީން ނިންމި ކަމަށް ޝަފީއު ވިދާޅުވި އެވެ. އެ އިންޓެލިޖެންސް ރިޕޯޓުގައި ހުރި މައުލޫމާތު ހިއްސާކުރެވެން ނެތް ކަމަށް އޭނާ ވިދާޅުވި އެވެ.

މައުޟޫޢުތަށް