ކޮރަޕްޝަންގެ ހެކި ފޮރުވުމުގެ ކުށް ސާބިތުވެ ސިންގަޕޫރުގެ ބިލިއަނަރު އޮންގު ޖޫރިމަނާކޮށްފި
އަދަދު
15 އޯގަސްޓު 2025 | ހުކުރު | 11:06
ކޮރަޕްޝަންގެ ހެކި ފޮރުވުމަށް އެހީތެރިވިކަމުގެ ކުށް ސާބިތުވެ ސިންގަޕޫރުގެ ބިލިއަނަރު އޮންގް ބެންގް ސެންގް 23،400 އެމެރިކާ ޑޮލަރުން ޖޫރިމަނާކޮށްފި އެވެ.
ފޯ ސީޒަންސް އާއި ސިކްސް ސެންސަސްގެ ރިސޯޓުތައް ހިމެނޭހެން ރާއްޖޭގައި ވެސް ފުޅާ ދާއިރާއެއްގައި ވިޔަފާރި ކުރާ އޮންގްގެ މައްޗަށް ސާބިތުވީ ސިންގަޕޫރުގެ ކުރީގެ ޓްރާސްޕޯޓު މިނިސްޓަރު، ސުބްރަމަނިއަމް އިސްވަރަންއަށް އަގުބޮޑު އެތައް ހަދިޔާއެއްދީ އޭނާގެ މައްޗަށް ހިންގި ކޮރަޕްޝަންގެ ތަހުގީގަކަށް ފިލަން ހެކި ފޮރުވަން އެހީތެރިވިކަމުގެ ކުށެވެ.
އެ ކުށް އޮންގްގެ މައްޗަށް ސާބިތުވީ އޭނާ އެ ކުށަށް އިއުތިރާފުވުމުންނެވެ.