ޖުމްހޫރީ ޕާޓީގެ ލީޑަރު ގާސިމް އިބްރާހިމް މީހުންނަށް އެހީވަނީ ވެރިކަމުގެ ދަހިވެތިކަމުގައި ކަމަށް މީގެ ކުރިން ވިދާޅުވުމަށް ފަހު މިހާރު އޭނާއަކީ ރައްޔިތުންނަށް ހެޔޮއެދޭ ލީޑަރެއްގެ ގޮތުގައި ވެރިކަން ކުރާ ޕީޕަލްސް ނެޝަނަލް ކޮންގްރެސް (ޕީއެންސީ) ގެ ޕީޖީ ލީޑަރު އިބްރާހިމް ފަލާހު ސިފަކުރައްވައިފި އެވެ.

ލޯކަލް ކައުންސިލްތަކަށް ލިބިދީފައި އޮތް ވަރަށް ގިނަ ބާރުތައް ހަނިކޮށް ފާސް ކުރި އިސްލާހުތަކަށް ތާއީދު ކުރައްވައި ގާސިމް ވަނީ މިއަދު ބަޔާނެއް ނެރުއްވާފަ އެވެ. އެއަށް ސާބަސް ދެއްވައި ފަލާހު ކުރެއްވި ޓްވީޓެއްގައި ގާސިމްއަށް ވަނީ ވަރަށް ބޮޑަށް ތައުރީފް ކުރައްވާފަ އެވެ.

"މީ ގައުމަށް ހެޔޮއެދިގެން ރައްޔިތުންނަށް ހެވެއް އެދިގެން އަމިއްލަ މަސްލަހަތު އެއްކިބާކޮށް ބަސް އިއްވާ ލީޑަރުން. ހަގީގަތުގައި ވެސް ލާމަރުކަޒީ ގާނޫނަށް ގެނައި އިސްލާހުން ރައްޔިތުންގެ ހައްގުތައް ނުގެއްލި ހުރިހާ ފައިދާއެއްއޮތީ ރައްޔިތުންނަށް،" ފަލާހު ވިދާޅުވި އެވެ.

މައުޟޫޢުތަށް