ގެދޮރުވެރިޔާ ސްކީމުގެ ފްލެޓްތަކަށް ކުރިމަތިލުމުގެ ފުރުސަތު މިދިޔަ ސަރުކާރުން ހުޅުވައިލުމުގެ ހަ އަހަރު ކުރިން ވަރިވެފައި ތިބި ދެ މީހަކު މިހާރު ވެސް ކައިވެނި ކޮށްގެން އުޅޭ ކަމަށް ބަލައި އެ ތަނުން އެކަކު ފްލެޓު ދޫކޮށްލަން ހައުސިން މިނިސްޓްރީން އަންގައިފި އެވެ.

ގެދޮރުވެރިޔާ ޕޯޓަލް މެދުވެރިކޮށް އެ މީހުންނަށް މިނިސްޓްރީން ފޮނުވާފައިވާ ނޯޓިސްގައި ބުނެފައި ވަނީ ގެދޮރުވެރިޔާ ސްކީމުގެ ދަށުން ދެމަފިރިން ވަކިން އެޕްލިކޭޝަން ހުށަހަޅައި ދެމަފިރިންނަށް ވަކިން ފްލެޓު ލިބޭ ހާލަތުގައި އެ ސްކީމުގެ ދަށުން ފްލެޓު ދޫކުރުމަށް ހަމަޖެހިފައި ވަނީ ދެމަފިރިންގެ ތެރެއިން އެކަކަށް ކަމަށެވެ.

އެހެންކަމުން އެ ދެ މީހުންގެ ތެރެއިން އެކަކު ފްލެޓު ދޫކޮށްލުމަށް ހައުސިން މިނިސްޓްރީގެ ނޯޓިސްގައި އަންގާފައިވެ އެވެ.

މައުޟޫޢުތަށް