ހަ މަސް ފަހުން އަޒާން އަލުން ޕީއެންސީ ޕީޖީގެ ވަޓްސްއެޕް ގްރޫޕަށް ވައްދައިފި
އަދަދު
20 އޯގަސްޓު 2025 | ބުދަ | 10:23
ރައީސް މުހައްމަދު މުއިއްޒު އާ ދެމެދު ސިޔާސީގޮތުން ނުތަނަވަސްކަން އުފެދިގެން މީގެ ހަ މަސް ކުރިން ވެރިކަންކުރާ ޕީއެންސީގެ މަޖިލިސް މެންބަރުން ތިބޭ ވަޓްސްއެޕް ގްރޫޕުން ބޭރުކުރި، ހިތަދޫ މެދު ދާއިރާގެ މެންބަރު އަހުމަދު އަޒާން އަލުން އަނބުރާ އެ ގްރޫޕަށް ވައްދައިފި އެވެ.
ޕީޖީގެ ވަޓްސްއެޕް ގްރޫޕުން އަޒާން ބޭރުކުރީ ފެބްރުއަރީ 25، ގަ އެވެ. މި ގްރޫޕުގައި މުއިއްޒު ވެސް އިންނަވަ އެވެ. އަޒާން އަލުން އަނބުރާ ގްރޫޕަށް ވެއްދިކަން ޕީއެންސީގެ ބައެއް މެންބަރުން ވަނީ މި ނޫހަށް ކަށަވަރުކޮށްދީފަ އެވެ.
ވަޓްސްއެޕް ގްރޫޕަށް ވެއްދުމުގެ އިތުރުން، އޭރު ޖެހުނު މައްސަލަގަނޑުގެ ތެރެއިން އޭނާ ވަކިކުރި މަޖިލީހުގެ ސަލާމަތީ ހިދުމަތްތަކާ ބެހޭ (241) ކޮމިޓީ އަދި މާލިއްޔަތު ކޮމިޓީއަށް އަޒާން އިއްޔެ ވަނީ އަލުން އައްޔަންކޮށްފަ އެވެ.