މަތިވެރި އެއާޕޯޓުގެ އީއައިއޭ ހެދީ ދެ ދުވަހުން، ފާސްކުރަން 24 ގަޑިއިރު ވެސް ނުނަގާ
އަދަދު
20 އޯގަސްޓު 2025 | ބުދަ | 1:23
އއ. މަތިވެރީގައި އެއާޕޯޓް އެޅުމަށް އެމްއޭސީއެލްއާ ހަވާލުކޮށްގެން ކުރިއަށްގެންދާ މަޝްރޫއުގެ ސަބަބުން ތިމާވެއްޓަށް ލިބޭ ގެއްލުން ދެނެގަތުމަށް ހަދާ އެންވަރަމަންޓަލް އިމްޕެކްޓް އެސެސްމަންޓް (އީއައިއޭ) ދެ ދުވަސް ތެރޭގައި ހަދައި 24 ގަޑިއިރު ނުވަނީސް ފާސްކޮށްފައިވާކަން އެނގިއްޖެ އެވެ.
މަތިވެރި އެއާޕޯޓަށް ބޭނުންވާ ބިން ހިއްކައިގެން އެ ތަނުގައި އެއާޕޯޓު ތަރައްގީކޮށްގެން ހިންގަން އެމްއޭސީއެލް އާއެކު ސޮއިކުރީ ރައީސް މުހައްމަދު މުއިއްޒު އެ ރަށަށް ކުރެއްވި ދަތުރާ ދިމާކޮށް އިއްޔެ އެވެ.
އެ މަޝްރޫއުގެ އަމަލީ މަސައްކަތް ފެށީ މިއަދެވެ. އެހެންކަމުން އީއައިއޭއަށް އިއުލާން ކުރުމާއި މަޝްރޫއުގެ އަމަލީ މަސައްކަތް ފެށުމާ ދޭތެރޭ ފަސް ދުވަސް ހަމަނުވެ އެވެ. މަސައްކަތް ފެށީ އެންމެ އެކްސްކެވޭޓަރެއް ގެންގޮސްގެންނެވެ.