މައްސަލައެއް ފާހަގަ ނުކުރެވޭ ކަމަށް އެމްއެފްޑީއޭއިން ބުނި ކޮފްސީ ސިރަޕް ރާއްޖޭގައި މަނާކޮށްފި
އަދަދު
20 އޯގަސްޓު 2025 | ބުދަ | 8:40
ތަހުލީލުން މައްސަލައެއް ފާހަގަ ނުކުރެވޭ ކަމަށް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން މިދިޔަ އަހަރު ބުނި ކެއްސާތީ އާންމުކޮށް ބޭނުންކޮށް އުޅޭ ކޮފްސީ ސިރަޕުގެ ކޮލިޓީ މައްސަލައެއް ދިމާވެ, އެ ބޭސް ރާއްޖެއަށް އެތެރެކުރުމާއި ވިއްކުން އަދި ބޭނުންކުރުން މިއަދުން ފެށިގެން މަނާކޮށްފި އެވެ.
އެމްއެފްޑީއޭއިން ނެރުނު އެލާޓެއްގައި ބުނީ ކޮފްސީ ސިރަޕުގެ ކޮލިޓީ މައްސަލައެއް ފާހަގަކުރެވުނީ ރާއްޖެ އެތެރެކޮށް ބޭނުންކުރަމުންދާ ބޭހުގެ މާކެޓް ސަވައިލަންސް ކުރުމުގެ ތެރެއިން ކަމަށެވެ.
މިދިޔަ އަހަރުގެ އޮގަސްޓް 19، ގައި ކޮފްސީ ބޭހުގައި ކުނޑިކޮޅުތަކެއް ހުންނަކަން ފާހަގަކުރެވިގެން އެ ބޭހުގެ ރައްކާތެރިކަން ކަށަވަރުކުރަން ތަހުލީލުތަކެއް ހަދަން ނިންމައި އެ ބޭސް ރާއްޖެއަށް އެތެރެކުރުމާއި ވިއްކުން އަދި ބޭނުންކުރުން އެމްއެފްޑީއޭއިން މަނާކުރި އެވެ.