ބައެއް ބިލްތަކުގެ ވޯޓާ ގުޅިގެން ޕީއެންސީގެ ޕާލިމެންޓަރީ ގްރޫޕްގެ ލީޑަރު އިބްރާހިމް ފަލާހު ބިރު ދެއްކި ކަމަށާއި ރިޝްވަތު ވެސް ހުށަހެޅި ކަމަށް ވެލިދޫ ދާއިރާގެ މެންބަރު މުހައްމަދު އައްބާސް ވިދާޅުވެއްޖެ އެވެ.

އައްބާސް އެކްސްގައި ކުރެއްވި ޕޯސްޓެއްގައި ވިދާޅުވީ މަޖިލީހަށް ހުށަހެޅި ބައެއް ބިލްތަކަށް ބަހުސް ނުކުރުމަށް އަދި ބައެއް ބިލްތަކަށް ވަކި ގޮތަކަށް ވޯޓުލުމަށް އެދި ފަލާހު އާދޭސް ކުރެއްވި ކަމަށެވެ.

"ފަލާހު އެދޭ ގޮތަށް ބަހުސްކޮށް ވޯޓު ލައިފިއްޔާ އަޅުގަނޑު އެދޭ ގޮތަށް ދާއިރާގެ ކޮންމެ ރަށަކުން ފަސް މީހަކަށް ވަޒީފާ ދޭންވެސް ހުށައެޅި. ހަމަ އެހެންމެ ވަކި ގޮތަކަށް ވޯޓު ލާން ބުނެފައި ބުރަދާ އަށް ދޭން ލާރި ކޮޅެއް ހުންނާނެ ކަމަށް ބުނެފައި ގެއަށް ގޮސް ލާރި ހިފައިގެން އަންނަން ދެން މަޖިލިސް ކުޑަދަށުގައި އަޅުގަނޑު މަޑުކޮށްލަން ބުނެފައި ފަލާހު ގެއަށް ދިޔަ. އެހެން ބުނެފައި ފަލާހް ދިޔައިމަ ފަލާހު އަންނަން ދެން އަޅުގަނޑު މަޑުނުކޮށް ގެއަށް އައީ،" މީދޫ ދާއިރާގެ މެންބަރު އަހުމަދު ސިޔާމް މުހައްމަދުގެ މޯލްޑިވްސް ޑިވެލޮޕްމަންޓް އެލަޔަންސް (އެމްޑީއޭ) އަށް ނިސްބަތްވާ އައްބާސް ވިދާޅުވި އެވެ.

މައުޟޫޢުތަށް