އައްޑޫ އަތޮޅު ހަންކެޑެގައި އިންޓަގްރޭޓަޑް ޓޫރިސްޓު ރިސޯޓެއް ތަރައްގީކުރަން ފެށި މަޝްރޫއު ހުއްޓާލުމުން ހިތާމަކުރައްވައި، ސަރުކާރުގެ މި ނިންމުމާ ގުޅިގެން ބޮޑު ބަދަލެއް ދޭން ޖެހިދާނެ ކަމަށް އެމްޑީޕީގެ ޗެއާޕާސަން ފައްޔާޒު އިސްމާއިލް މިއަދު ވިދާޅުވެއްޖެ އެވެ.

ފައްޔާޒު އެކްސްގައި މިހެން ވިދާޅުވީ، ހަންކެޑެ ކުއްޔަށް ދިނުމުގެ އެއްބަސްވުން މި ސަރުކާރުން ބާތިލުކުރި ނިންމުމަށް ފާޑުވިދާޅުވަމުންނެވެ. ސަރުކާރުން ވަނީ ހަންކެޑެ އިންޓަގްރޭޓަޑް ރިސޯޓު ކޮންސެޕްޓަށް ތަރައްގީކުރުމުގެ ވިސްނުން ދޫކޮށް ހަލާލު ޓޫރިޒަމަށް ހާއްްސަކޮށްފަ އެވެ.

މީގެ ކުރިން ވެސް މި ސަރުކާރުން ހަންކެޑެ މަޝްރޫއާ ގުޅިގެން ކަންކުރަމުން އަންނަ ގޮތަށް ފާޑުވިދާޅުވެފައިވާ ފައްޔާޒު ވަނީ، މިއީ ކޮންސެޕްޓުން ފެށިގެން އެ މަޝްރޫއަށް ބޭނުންވާ ފައިސާ ވެސް ޗައިނާގެ ދައުލަތް ހިއްސާވާ ބޭންކަކުން ހަމަޖައްސާފައި ހުރި ޕްރޮޖެކްޓެއް ކަމަށެވެ.

މައުޟޫޢުތަށް