އިންސާނީ ހައްގުތަކުގެ ގޯސް ޓްރެކް ރެކޯޑެއް އޮއްވައި ހިއުމަން ރައިޓްސް ކައުންސިލުގެ ނައިބު ރައީސަކަށް ރާއްޖެ
އަދަދު
26 އޯގަސްޓު 2025 | އަންގާރަ | 9:18
އިންސާނީ ހައްގުތަކުގެ ގޯސް ޓްރެކް ރެކޯޑެއް އޮއްވައި، އދ. ގެ ހިއުމަން ރައިޓްސް ކައުންސިލުގެ ނައިބު ރައީސްގެ މަގަމާށް ރާއްޖެ އިންތިހާބުކޮށްފި އެވެ.
ހިއުމަން ރައިޓްސް ކައުންސިލުގައި ތިބެނީ އދ. ގެ މެންބަރު ގައުމުތަކުގެ ތެރެއިން 47 ގައުމެކެވެ. އެ ކައުންސިލު ޗެއާ ކުރަނީ ރައީސްއަކާއި ހަތަރު ނައިބު ރައީސުން ހިމެނޭ ރޮޓޭޓު ކުރާ ބިއުރޯއަކުންނެވެ. ރާއްޖެ އިންތިހާބުވީ އޭގެ ތެރެއިން އެއް ނައިބު ރައީސްގެ މަގާމަށެވެ. ހިއުމަން ރައިޓްސް ކައުންސިލުގައި ރާއްޖެ ތަމްސީލު ކުރާނީ އދ. އަށް ކަނޑައަޅާފައިވާ ދާއިމީ މަންދޫބު ސަލްމާ ރަޝީދެވެ.
ހިއުމަން ރައިޓްސް ކައުންސިލުގެ މުހިންމު މަގާމަކަށް ރާއްޖެ އިންތިހާބު ކުރިއިރު، އިންސާނީ ހައްގުތައް ނެތިކޮށްލުމަށް ދިވެހި ސަރުކާރުން ގެންދަނީ ވަރަށް ބޮޑަށް މަސައްކަތް ކުރަމުންނެވެ. އޭގެ ތެރޭގައި ހިޔާލުފާޅު ކުރުމުގެ މިނިވަންކަން ހިފެހެއްޓުމާއި އެއްވެ އުޅުމުގެ މިނިވަންކަން ނުދިނުމާއި ސިޔާސީ ސަބަބުތަކާހުރެ ވަޒީފާއިން ވަކި ކުރުމާއި ޖުޑިޝަރީގެ ކޮންޓްރޯލް ނެގުން ހިމެނެ އެވެ.