ރިސޯޓެއްގައި މަރުވި ޒުވާނެއްގެ ހަށިގަނޑު ހަވާލުނުކޮށް އޮޓޮޕްސީ ހަދާތީ އާއިލާގެ ކަންބޮޑުވުން
އަދަދު
30 އޯގަސްޓު 2025 | ހޮނިހިރު | 12:16
ބ. އަތޮޅު ނޮޓިލަސް ރިސޯޓުގައި މަސައްކަތްކުރި ކ. ގުރައިދޫ، ތަނޑިރަތްމާގެ، އަދީލް އަހުމަދު، 20 މަރުވި މައްސަލައިގައި އާއިލާގެ އެދުމަށް ނުބަލައި އޭނާގެ އޮޓޮޕްސީ ހަދަން ނިންމުމުން ކަންބޮޑުވުން ފާޅުކޮށްފި އެވެ.
އަދަދު އަށް އިތުބާރު ހިފޭ މަސްދަރަކުން އެނގިފައިވާ ގޮތުގައި އޮގަސްޓް 22، ގައި އަދީލް މަރުވީ ރިސޯޓުގެ ލޯންޗުގައި ދަންޖެހިގެންނެވެ. އޭނާގެ މަރާ ގުޅިގެން އޮޓޮޕްސީ ހެދުމަށް ފުލުހުން ނިންމީ ޝައްކު އުފެދޭ ކަންކަން ހުރުމުން ކަމަށް ވެސް ވަނީ އެނގިފަ އެވެ.
އަދީލްގެ ބޭބެ އަސްލަމް އަހުމަދު މި ނޫހަށް މައުލޫމާތު ދެމުން ބުނީ އަދީލް މަރުވިތާ ހަފްތާއެއް ފަހުން އޭނާގެ އޮޓޮޕްސީއެއް ހެދުމަށް ނިންމިކަން ފުލުހުން އެންގީ މިއަދު ކަމަށެވެ.