ހުލާސާކޮށް އިއްޔެ: ކުރީ ދަތުރުތަކުގެ ހަރަދު ހާމަނުކޮށް މުއިއްޒު ޗާއިނާއަށް
އަދަދު
30 އޯގަސްޓު 2025 | ހޮނިހިރު | 6:25
ރައީސް މުހައްމަދު މުއިއްޒު ރާއްޖެއިން ބޭރަށް ކުރައްވާ ދަތުރުތަކަށް ހިނގާ ހަރަދު ހާމަ ކުރުން ސަރުކާރުން ހުއްޓާލާފައި ވަނިކޮށް ރޭ ޗައިނާއަށް ފުރާވަޑައިގެންފި އެވެ.
ހާމަކަން ބޮޑު ސަރުކާރެއް ގާއިމުކުރައްވާނެ ކަމަށް ވިދާޅުވެ، ރާއްޖެއިން ބޭރަށް ކުރައްވާ ދަތުރުތަކުގެ ތަފުސީލު ސަރުކާރުން ހާމަ ކުރަން ފެށީ މުއިއްޒުގެ އިސްނެންގެވުމަށެވެ. ދަތުރުތަކުގެ ހަރަދު އިސްވެ ރައީސް އޮފީހުން ހާމަކުރާނެ ކަމަށް މުއިއްޒު ވިދާޅުވީ ޑިސެމްބަރު 2، 2023 ގަ އެވެ.
އެ ނިންމުމުގެ ދަށުން ރައީސް އޮފީހުން އެންމެ ފަހުން ހާމަކުރީ އޭޕްރީލް މަހު އެމަނިކުފާނު އިނގިރޭސިވިލާތަށް ކުރެއްވި ދަތުރުގެ ހަރަދެވެ. އޭގެ ފަހުން މުއިއްޒު ވަނީ އިނގިރޭސިވިލާތް، މެލޭޝިއާ އަދި ސިންގަޕޫރަށް ރަސްމީ ދަތުރުތަކެއް ކުރައްވައިފަ އެވެ. ނަމަވެސް އެ ދަތުރުތަކުގެ ހަރަދު ތަފްސީލެއް ނޭނގެ އެވެ.