ޗައިނާގެ ރައީސް ޝީ އާއި ރައީސް މުއިއްޒު ބައްދަލު ކުރައްވައިފި
އަދަދު
31 އޯގަސްޓު 2025 | އާދިއްތަ | 9:05
ރައީސް މުހައްމަދު މުއިއްޒު ޗައިނާއަށް ކުރައްވާ ދަތުރުގެ ތެރެއިން އެ ގައުމުގެ ރައީސް ޝީ ޖިންޕިންއާ މިއަދު ބައްދަލު ކުރައްވައިފި އެވެ.
އެކްސްގައި ކުރެއްވި ޕޯސްޓެއްގައި މުއިއްޒު ވިދާޅުވީ، ޝީއާއެކު ބޭއްވެވި ބައްދަލުވުމުގައި، ޗައިނާއިން ރާއްޖޭގައި ހިންގާ ޕްރޮޖެކްޓުތައް އަވަސްކޮށް، އިތުރު ދާއިރާތަކުން ގުޅުން ބަދަހި ކުރަން މަޝްވަރާ ކުރެއްވިން ކަމަށެވެ.
"ދެ ގައުމުގެ ޑިވެލޮޕްމަންޓު ޕާޓްނާޝިޕް ބިނާވެފައި ވަނީ ހެޔޮ ނިޔަތާއި އެތައް ދަހަރެއްގެ ގުޅުމުގެ މައްޗަށް. މި ގޮތުގައި ދެ ގައުމުގެ ގުޅުން ކުރިއަށް ގެންދަން މި ބައްދަލުވުމުގައި ވަނީ އަޒުމް އާކުރެވިފައި،" މުއިއްޒު ވިދާޅުވި އެވެ.