ރައީސުލްޖުމްހޫރިއްޔާ މުހައްމަދު މުއިއްޒުގެ ސަރުކާރުން މިއަދު މަސައްކަތް ކުރަމުން ދަނީ ނޫސްވެރިކަން މަރާލަން ކަމަށާއި މަރާލަންވީ ގޮތް ވެސް ބައެއް ބޭފުޅުން ހާމަކުރަމުންދާ ކަމަށް ކުރީގެ ރައީސް، އިބްރާހިމް މުހައްމަދު ސޯލިހު ވިދާޅުވެއްޖެ އެވެ.

އެމްޑީޕީގެ ހަރުގޭގައި މިރޭ ކުރިއަށް ގެންދިޔަ އެ ޕާޓީގެ ގައުމީ މަޖިލީހުގައި ވާހަކަ ދައްކަވަމުން ސޯލިހު ވިދާޅުވީ ނޫސްވެރިކަމަކީ ޑިމޮކްރެސީއެއްގައި އޮންނަ އެންމެ މިނިވަން ބާރު ކަމަށެވެ. ނޫސްވެރިންނަކީ ވަކި ބައެއްގެ ނުފޫޒެއް ނެތި ރައްޔިތުންނަށްޓަކައި މަސައްކަތް ކުރާ ބައެއް ކަމަށް ސޯލިހު ވިދާޅުވި އެވެ.

"މިއަދު [ސަރުކާރުން] އެ މަސައްކަތް ކުރައްވަނީ ނޫސްވެރިކަން މަރައިލަން، ނޫސްވެރިކަން މަރައިލަން، ބައެއް ބޭފުޅުން ވިދާޅުވާގޮތުން އެ މަރާލަންވީ ގޮތް ވެސް އެބަ ސާފުކޮށް ހާމަ ކުރޭ،" ސޯލިހު ވިދާޅުވި އެވެ.

މައުޟޫޢުތަށް