އިލެކްޝަންސް ކޮމިޝަނުގައި ރަޖިސްޓްރީ ކޮށްފައިވާ ސިޔާސީ ޕާޓީތަކުގެ ތެރެއިން ފަސް ޕާޓީއަށް ދޫކުރާ 27.9 މިލިއަން ރުފިޔާ ޖަމާކުރަން ބޭންކްތަކަށް މިއަދު ފޮނުވައިފި އެވެ.

އިލެކްޝަނުން ފައިސާ ޖަމާކުރަން ބޭންކްތަކަށް ފޮނުވީ މި އަހަރުގެ ބަޖެޓު ރައްޔިތުންގެ މަޖިލީހުން ފާސްކުރި ދުވަހާ ހަމައަށް 10،000 މެންބަރުން ހަމަވި ޕާޓީތަކަށެވެ. ޕާޓީތަކަށް ދޫކުރި ފައިސާގެ 47 ޕަސެންޓު ދިނީ ވެރިކަން ހިންގާ ޕީއެންސީއަށެވެ. އެއީ 13.3 މިލިއަން ރުފިޔާ އެވެ.

ސިޔާސީ ޕާޓީތަކުގެ ގާނޫނުގައި ބުނާ ގޮތުން ސިޔާސީ ޕާޓީ ހިންގުމަށް ދައުލަތުން ދޫކުރާ ފައިސާއަކީ، ދައުލަތުގެ އަހަރީ ބަޖެޓުގައި އެ އަހަރަކަށް ލަފާކުރާ އާމްދަނީގެ 0.1 ޕަސަންޓެވެ.

މައުޟޫޢުތަށް