ރާއްޖެ/ޗައިނާ ގުޅުން: ހަކަތަ އުފެއްދުމުގެ މެގަ ޕްރޮޖެކްޓެއް ހިންގައި އައްޑޫގައި ފިޝަރީޒް ހަބެއް ގާއިމް ކުރަނީ
އަދަދު
2 ސެޕްޓެމްބަރު 2025 | އަންގާރަ | 7:58
އިޔާދަކުރަނިވި ހަކަތަ އުފެއްދުމުގެ ބޮޑު ޕްރޮޖެކްޓެއް ހިންގުމަށާއި އައްޑޫ ސިޓީގައި ފިޝަރީޒް ހަބެއް ގާއިމް ކުރުމުގެ އެއްބަސްވުންތަކުގައި ޗައިނާގެ ކުންފުނިތަކަކާއެކު ސޮއިކޮށްފި އެވެ.
އެ ދެ އެއްބަސްވުމުގައި ސޮއި ކުރީ، ޗައިނާއާއެކު ގުޅުން ބަދަހި ކުރަން މިއަދު ސޮއި ކުރި 11 އެއްބަސްވުމުގެ ތެރެއިންނެވެ. އެ ހުރިހާ އެއްބަސްވުމެއްގެ ސުރުހީއެއް ސަރުކާރުން ހާމައެއް ނުކުރެ އެވެ.
ހަކަތަ އުފެއްދުމުގެ އެއްބަސްވުން ހެދީ ޗައިނާގެ ގުއޯޝެން އެނަޖީ ކޯ އެލްޓީޑީއާއެކު އެވެ. އައްޑޫގައި މެރިޓައިމް އަދި ފިޝަރީޒް ލޮޖިސްޓިކް ހަބެއް ގާއިމް ކުރަން ސޮއި ކުރީ ޗައިނާ މެޝިނަރީ އިންޖިނިއަރިން ކޯޕަރޭޝަން (ސީއެމްއީސީ) އާއެކު އެވެ.