ބ. އަތޮޅު ނޮޓިލަސް ރިސޯޓުގައި މަރުވެފައި އޮއްވައި ފެނުނު ކ. ގުރައިދޫ، ތަނޑިރަތްމާގެ، އަދީލް އަހުމަދު، 21، އޮޓޮޕްސީ ހެދުމަށްފަހު އޭނާގެ ހަށިގަނޑު މާލެ ގެނެސް ވަޅުލައިފި އެވެ.

އަދީލްގެ އޮޓޮޕްސީ ހަދަން އިންޑިއާއަށް ފޮނުވީ ސެޕްޓެމްބަރު 2، ގަ އެވެ. އޭނާގެ ހަށިގަނޑު އޮޓޮޕްސީއަށްފަހު އަނބުރާ ރާއްޖެ ގެނެސް ވަޅުލީ ރޭ ފަތިސް ނަމާދަށްފަހު އާސަހަރާގަ އެވެ.

އިތުބާރު ހިފޭ މަސްދަރަކުން އަދަދު އަށް މައުލޫމާތު ދިން ގޮތުގައި އޮގަސްޓް 22، ގައި އަދީލް މަރުވީ ރިސޯޓުގެ ލޯންޗުގައި ދަންޖެހިގެންނެވެ. އޭނާގެ މަރާ ގުޅިގެން އޮޓޮޕްސީ ހެދުމަށް ފުލުހުން ނިންމީ ޝައްކު އުފެދޭ ކަންކަން ހުރުމުން ކަމަށް ވެސް ވަނީ އެނގިފަ އެވެ.

މައުޟޫޢުތަށް