ޑަބްލިއުޑީސީ ތަކުގެ ބަޖެޓު ބޮޑުކޮށްދޭނެ ކަމަށް މުއިއްޒު ވިދާޅުވެއްޖެ
އަދަދު
5 ސެޕްޓެމްބަރު 2025 | ހުކުރު | 11:24
އަންހެނުންގެ ތަރައްގީއަށް މަސައްކަތް ކުރާ ކޮމިޓީ (ޑަބްލިއުޑީސީ) ގެ ބަޖެޓު އިތުރު ކުރަން އަންނަ އަހަރަށް ހުށަހަޅާ ބަޖެޓުގައި ހިމަނާނެ ކަމަށް ރައީސް މުހައްމަދު މުއިއްޒު ވިދާޅުވެއްޖެ އެވެ.
އެމަނިކުފާނުގެ އެކްސް އެކައުންޓުން މިރޭ ކުރެއްވި ޕޯސްޓެއްގައި މުއިއްޒު ވިދާޅުވީ އަންހެނުންގެ ތަރައްގީއަށް މަސައްކަތްކުރާ ކޮމިޓީތައް އިތުރަށް ބާރުވެރި ކުރުވުމަށްޓަކައި އަންނަ އަހަރަށް ހުށަހަޅާ ބަޖެޓުގެ، އެ ކޮމިޓީތަކުގެ ބަޖެޓަށް ދެ ބަދަލެއް ގެންނަވާނެ ކަމަށެވެ.
އެގޮތުން ގެންނަ ފުރަތަމަ ބަދަލަކީ އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކުގެ ބަޖެޓަކީ ކައުންސިލުގެ ބަޖެޓުގެ 10 ޕަސެންޓަށް ހެދުން ކަމަށް މުއިއްޒު ވިދާޅުވި އެވެ. އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކަށް މިހާރު ލިބެނީ ކައުންސިލަށް ލިބޭ ބަޖެޓުގެ ފަސް ޕަސެންޓެވެ.