މިދިޔަ ސަރުކާރުގެ ބޯހިޔާވަހިކަމުގެ ސިޔާސަތުގެ ދަށުން ދޫކުރި ގެދޮރުވެރިޔާ ސްކީމުން ފުރަތަމަ ފްލެޓު ލިބުނު މީހުންގެ ތެރެއިން 3000 އަށްވުރެ ގިނަ މީހުންނާއެކު އެއްބަސްވުމުގައި ސޮއިކޮށްފައިވާ ކަމަށް ފަހި ދިރިއުޅުން ކޯޕަރޭޝަނުން ބުނެފި އެވެ.

އެ ކުންފުނިން މިރޭ ސޯޝަލްމީޑިއާގައި ކުރި ޕޯސްޓެއްގައި ބުނީ މިހައިތަނަށް ޖުމުލަ 3032 މީހުންނާއެކު އެއްބަސްވުމުގައި ސޮއިކޮށްފައިވާ ކަމަށެވެ. ގެދޮރުވެރިޔާ ސްކީމުގެ ދަށުން 4000 މީހުންނަށް ފްލެޓު ލިބެ އެވެ.

ގެދޮރުވެރިޔާ ސްކީމުގެ ދަށުން ފްލެޓު ލިބޭ މީހުންނަށް އެ ތަންތަން ސަރުކާރުން ހަވާލު ކުރަނީ 25 އަހަރުދުވަސް ވަންދެން އެފްޑީސީއަށް ކުލި ދެއްކުމުން މިލްކުވާ ގޮތަށެވެ. އެގޮތަށް އަމަލު ކުރަނީ ކުލި ނުދައްކާ މީހުންނާމެދު ފިޔަވަޅު އަޅަން ފަސޭހައަކަށް ކަމަށް ސަރުކާރުން ވަނީ ބުނެފަ އެވެ.

މައުޟޫޢުތަށް