މާލޭ މަގުތަކާއި ހުސް ޖާގަތަކުގައި ހަތަރު ފުރޮޅުލީ އުޅަނދުތަކަށް ޕާކިން ޖާގަ ވިއްކުން ނިމުމަށް ގެނެސް، މިހާރުގެ ރައީސް މުހައްމަދު މުއިއްޒު މޭޔަރަކަށް ހުންނަވައިގެން ވިއްކާފައި ހުރި ޕާކިން ޖާގަތަކުގެ އެއްބަސްވުން އާނުކުރަން މާލެ ސިޓީ ކައުންސިލުން ނިންމައިފި އެވެ.

މޭޔަރު އާދަމް އާޒިމް އަދަދު އަށް ވިދާޅުވީ ޕާކިން ޖާގަ ކުއްޔަށް ދިނުން ހުއްޓާލުމަށް ޓްރާންސްޕޯޓް މިނިސްޓްރީން މިދިޔަ އަހަރު އެންގި ކަމަށެވެ. އެހެންވެ، ކުރިން ދޫކޮށްފައި ހުރި ތަންތަނުގެ އެއްބަސްވުންތަކުގެ މުއްދަތު ހަމަވަންދެން މަޑުކުރީ ކަމަށާއި ހުރިހާ އެއްބަސްވުމެއްގެ މުއްދަތު މި މަހުގެ ނިޔަލަށް ހަމަވާނެ ކަމަށެވެ.

"ޓްރާންސްޕޯޓް މިނިސްޓްރީން މާލެ ސިޓީ ކައުންސިލަށް ޕާކިންތައް ކުއްޔަށް ނުދޭން އެންގީ މިދިޔަ އަހަރު. އޭރު އަޅުގަނޑުމެން އޮނާ ކުރަން ޖެހޭ އެގްރީމަންޓްތައް ހުރުމުން މަޑުކުރީ އެ އެގްރީމަންޓްތައް ނިމެންދެން،" މޭޔަރު ވިދާޅުވި އެވެ.

މައުޟޫޢުތަށް