ދޮންފަނުން ބިން ނުހިއްކަން ނިންމުމުން މުޒާހަރާ ކުރަނީ، ކައުންސިލުން ބުނީ ޕްރޮޖެކްޓު ހުއްޓާލަން ނޭދޭ ކަމަށް
އަދަދު
9 ސެޕްޓެމްބަރު 2025 | އަންގާރަ | 12:33
ބ. ދޮންފަނުން ބިން ހިއްކަން ރައްޔިތުން ނޭދޭ ކަމަށް ވިދާޅުވެ ބިން ހިއްކުމުގެ ޕްރޮޖެކްޓު ކުރިއަށް ނުގެންދިއުމަށް ރައީސް މުހައްމަދު މުއިއްޒު ނިންމެވުމުން އެ ރަށު ރައްޔިތުން މުޒާހަރާ ކުރަން ފަށައިފި އެވެ.
ދޮންފަނު ކައުންސިލު ރައީސް އަހުމަދު އިރުޝާދު ވިދާޅުވީ، ދޮންފަނު ބިން ހިއްކަން ނޭދޭ ކަމަށް އެ ރަށުގެ އެއްވެސް މީހަކު ބުނެފައިނުވާނެ ކަމަށެވެ.
"ރައީސް އެ ހެއްދެވީ އިތުރުފުޅެއް. ދޮންފަނު މީހުން ބޭނުންވަނީ ބިން ހިއްކަން. މިވަގުތު ވެސް ރަށުގެ ވަރަށް ގިނަ ރައްޔިތުން އެއްވެ މުޒާހަރާ ކުރަނީ،" އިރުޝާދު ވިދާޅުވި އެވެ.