ދޮންފަނު ރައްޔިތުން ބިން ހިއްކަން ބޭނުންނުވާ ކަމަށް ބުނެ މުއިއްޒު ހެއްދެވީ ދޮގެއް: ދޮންފަނު ކައުންސިލް
އަދަދު
9 ސެޕްޓެމްބަރު 2025 | އަންގާރަ | 4:03
ބ. ދޮންފަނުގެ ބިން ހިއްކުމުގެ ޕްރޮޖެކްޓު ކުރިއަށް ނުގެންދާން ނިންމެވީ އެކަންކުރަން އެ ރަށުގެ ރައްޔިތުން ނޭދޭތީ ކަމަށް ވިދާޅުވެ ރައީސް މުހައްމަދު މުއިއްޒު ހެއްދެވީ ދޮގެއް ކަމަށް ދޮންފަނު ކައުންސިލުން ބުނެފި އެވެ.
ދޮންފަނު ކައުންސިލްގެ ހުރިހާ މެންބަރުން ސޮއިކޮށް ނެރުނު ބަޔާނުގައި ބުނެފައިވަނީ، ބިން ހިއްކުން ހުއްޓާލަން މުއިއްޒު ނިންމެވީ އެ ރަށުގެ ރައްޔިތުންނާއި ކައުންސިލާ އެއްވެސް ވަރަކަށް މަޝްވަރާކުރުމެއް ނެތި ކަމަށެވެ.
"ރައްޔިތުން މިހާރު ބިން ހިއްކަން ބޭނުން ނުވާ ކަމަށް ވިދާޅުވެ އިތުރުފުޅު ހައްދަވާފައިވާތީ އެކަން އެންމެ ހަރުކަށި އިބާރާތުން ކުށްވެރި ކުރަން. ދޮންފަނު ބިން ހިއްކުމަކީ ރައްޔިތުން އެންމެ ބޮޑަށް ބޭނުންވެފައިވާ އެއް މަޝްރޫއު،" ދޮންފަނު ކައުންސިލުން ނެރެފައިވާ ބަޔާނުގައި ބުނެފައިވެ އެވެ.