މީޑިއާ ނެތިކޮށްލާ ބިލަށް ބަންޑާރަނައިބުގެ 14 އިސްލާހެއް
އަދަދު
10 ސެޕްޓެމްބަރު 2025 | ބުދަ | 8:46
މިނިވަން މީޑިއާ ނެތިކޮށްލާ ބިލަށް ޖުމުލަ 14 އިސްލާހެއް ބަންޑާރަނައިބުގެ އޮފީހުން ހުށަހަޅައިފި އެވެ.
ބަންޑާރަނައިބުގެ އޮފީހުން ދާދި ދެންމެއަކު އާންމުކުރި ނޫސްބަޔާނެއްގައި ބުނީ ތުޅާދޫ ދާއިރާގެ މަޖިލިސް މެންބަރު، އަބްދުލްހަންނާން އަބޫބަކުރު ހުށަހަޅުއްވާފައިވާ ބިލަށް ގެންނަން ފެންނަ އިސްލާހުތައް މަޖިލީހުގެ މިނިވަން މުއައްސަސާތަކާ ބެހޭ ކޮމިޓީއަށް ހުށަހަޅާފައިވާ ކަމަށެވެ.
"މި އިސްލާހުތަކުގެ އިތުރުން، ކޮމިޝަނުން މައްސަލައެއް ބަލައި ނިމެންދެން އިދާރީ ފިޔަވަޅެއްގެ ގޮތުން، ވަގުތީގޮތުން މީޑިއާއެއްގެ ރަޖިސްޓްރީ ބާތިލް ކުރުމުގެ ބާރު ކޮމިޝަނަށް ލިބިދީފައިވާ މާއްދާ (66 ވަނަ މާއްދާގެ (ޅ)) އުނިކުރުމަށްވެސް ސަރުކާރުގެ ފަރާތުން ހުށަހަޅާފައިވާނެ," ބަންޑާރަނައިބުގެ އޮފީހުން ނެރުނު ބަޔާނުގެ ފަހުން އުޝާމް ލިޔުއްވި އެވެ.