މުޅި ގައުމު ނިކަމެތިކޮށްފި، މުއިއްޒު ހަމަ މަގަށް އަޅުވަން އޮކްޓޯބަރު 3 ގައި ރައްޔިތުން ނުކުންނަންޖެހޭ: ސޯލިހު
އަދަދު
12 ސެޕްޓެމްބަރު 2025 | ހުކުރު | 11:10
ރައީސް މުހައްމަދު މުއިއްޒު ދިވެހި ރައްޔިތުންނާއި މުޅި ގައުމު ނިކަމެތިކޮށްފި ކަމަށާއި، ގައުމު ހަމަ މަގަށް އެޅުވުމަށްޓަކައި، އަންނަ އޮކްޓޯބަރު މަހުގެ 3 ވަނައަށް ރަށްރަށުން ވެސް މީހުން މާލެއަށް އަރައި، ސަރުކާރު ޖަވާބުދާރީކުރުވަން ހުރިހާ ރައްޔިތުން ނުކުތުމަށް ކުރީގެ ރައީސް އިބްރާހިމް މުހައްމަދު ސޯލިހު ގޮވާލައްވައިފި އެވެ.
އއ. ބޮޑުފޮޅުދޫގައި ރޭ ބޭއްވި ޖަލްސާގައި ސޯލިހު ވިދާޅުވީ ގައުމުގެ އަދުގެ ހާލަތު އޮތީ ކޮންމެ މީހަކު ވެސް ކަންބޮޑުވާ ހިސާބުގަައި ކަމަށާއި ތަކެތީގެ އަގު އިންތިހާއަށް ބޮޑުވެ، ދެމަފިރިން ރެޔާއި ދުވާލު މަސައްކަތް ކޮށްގެން ވެސް ހަރަދު ދެކޮޅުނުޖެއްސޭ ކަމަށެވެ.
"ކަރަންޓު ބިލް އެހާ ބޮޑު. އާސަންދަ ލިބޭ މީހަކު ނެތަސް، އާސަންދައިގެ ހަރަދު އިންތިހާއަށް ބޮޑުވެއްޖެ. ވިޔަފާރިތައް ބަނގުރޫޓު ވެއްޖެ،" ސޯލިހު ވިދާޅުވި އެވެ.