ޑިއުޓީއަށް ދައްކަންޖެހޭ 20.7 މިލިއަން ރުފިޔާ ނުދައްކައި ބޮންޑެޑް ވެއާހައުސް އިން ސިނގިރޭޓުތަކެއް ބޭރު ކުރި ކުންފުންޏަކުން އެ ފައިސާ ދައްކަން ސިވިލް ކޯޓުން މިދިޔަ ބުރާސްފަތި ދުވަހު ހުކުމްކޮށްފި އެވެ.

ހުކުމް އިއްވީ އެސްޖީއެމް ޕްރައިވެޓް ލިމިޓެޑުގެ މައްޗަށެވެ. ޑީއުޓީ ނުދައްކާ ބޮންޑެޑް ވެއާހައުސް އިން ނެރުނީ އޭޕްރީލް، 2018، ޖޫން، 2018، ގައި އެ ކުންފުނިން ގެނައި ސިނގިރޭޓު ކޭސްތަކެކެވެ.

ކަސްޓަމްސް އިން އެސްޖީއެމްގެ މައްޗަށް ކުރި ދައުވާގައި ބުނެފައި ވަނީ އެމެރިކަން ލެޖެންޑު ބްރޭންޑުގެ 250 ކޭހާއި ޕައިޕް ޓޮބޭކޯގެ 130 ކޭސް އެ ކުންފުނިން ވަގަށް ބޭރުކޮށްފައިވާ ކަމަށެވެ. އެ ތަކެތީގެ ޑިއުޓީއަށް 20.7 މިލިއަން ރުފިޔާ ދައްކަންޖެހޭ ކަމަށް ވެސް ކަސްޓަމްސް އިން ބުނެ އެވެ.

މައުޟޫޢުތަށް