އެމްޑީޕީގެ ޕީޖީ ގްރޫޕާ ހައުސިން މިނިސްޓަރު ބައްދަލު ނުކުރުމުން މުޒާހަރާ ކޮށްފި
އަދަދު
14 ސެޕްޓެމްބަރު 2025 | އާދިއްތަ | 5:00
ބޯހިޔާވަހިކަމުގެ މަޝްރޫއުތައް ނުހިނގާ ހުއްޓިފައި އޮތް މައްސަލައިގައި ހައުސިން މިނިސްޓަރު އަބްދުالله މުއްތަލިބުއާ ބައްދަލު ކުރުމަށް އިދިކޮޅު އެމްޑީޕީގެ ޕީޖީ ގްރޫޕް މެންބަރުން ދަރުބާރުގެއަށް ދިޔުމުން ވެސް އެތަނުގެ ވެރިން އެމީހުންނާ ބައްދަލުނުކުރި ކަމަށް އެމްޑީޕީން ބުނެފި އެވެ.
އެ ޕާޓީގެ ޕީޖީ ގްރޫޕުގެ މެންބަރުންނާއި އާންމު މެންބަރުން މިއަދު ހައުސިން މިނިސްޓްރީ ދޮށަށް ދިޔައީ ހެނދުނު 10:30 ގަ އެވެ. އެމްޑީޕީގެ ޕީޖީ ގްރޫޕުގެ މެންބަރުން އެތަނަށް ދިޔައީ ހައުސިން މިނިސްޓަރާ ބައްދަލު ކުރުމަށެވެ.
ހައުސިން މިނިސްޓްރީ ދޮށަށް ދިޔަ ސަބަބު ކިޔައިދެއްވަމުން ކެންދޫ ދާއިރާގެ މަޖިލިސް މެންބަރު، މައުރޫފް ޒާކިރު ވިދާޅުވީ ރާއްޖޭގެ އެކި ކަންކޮޅުގައި ހިންގަން ފަށާފައި ހުރި މަޝްރޫއުތައް ކުރިއަށް ނުދާ މައްސަލައިގައި ހައުސިން މިނިސްޓަރު، އަބްދުالله މުއްތަލިބު މަޖިލީހަށް ހާޒިރު ކުރަން އެދުނުތާ ވެސް އެތައް މަހެއް ފާއިތުވެގެން ގޮސްފައިވާއިރު ވެސް އޭނާ މަޖިލީހަށް ހާޒިރުވެފައި ނުވާ ކަމަށެވެ.