މިނިވަން މީޑިއާ ނެތިކޮށްލުމުގެ ބިލު ފާސްކުރަން މާދަމާ މަޖިލިސް ޖަލްސާއެއް ބާއްވަނީ
އަދަދު
15 ސެޕްޓެމްބަރު 2025 | ހޯމަ | 2:19
މިނިވަން މީޑިއާ ނެތިކޮށްލުމަށް ސަރުކާރު އަޑީގައި އޮވެ ހުށަހަޅާފައިވާ ބިލު ފާސްކުރުމަށް ދައުރުން ބޭރުން މާދަމާ ޖަލްސާއެއް ބާއްވަން ތާވަލުކޮށްފި އެވެ.
ޖަލްސާގެ އެޖެންޑާ މިހާތަނަށް ހާމަނުކުރި ނަމަވެސް ބެލެވޭ ގޮތުގައި މާދަމާ "މޯލްޑިވްސް މީޑިއާ އެންޑް ބްރޯޑްކާސްޓް ރެގިއުލޭޝަން ބިލް" ފާސްކުރާނެ އެވެ. އެ ބިލު އޮތީ ދިރާސާކުރުމަށް މިނިވަން މުއައްސަސާތަކުގެ ކޮމިޓީގަ އެވެ.
މިވަގުތު ވެސް ކޮމިޓީ ބައްދަލުވުމެއް ކުރިއަށްދާއިރު ބިލުގެ ސުންގަޑި މިރޭ 23:59 އަށް ހަމަވާނެ އެވެ. ސަރުކާރު މެންބަރުން އޮތީ ބޭނުންވާ އިސްލާހުތަކާއެކު ކޮމިޓީން ބިލު ފާސްކުރަން ހުށަހަޅާފަ އެވެ.