ހިޔާލުފާޅުކުރުމާއި މިނިވަން ނޫސްވެރިކަން ނެތިގެންދާ ގޮތަށް "މީޑިއާ އެންޑް ބްރޯޑްކާޓިން ރެގިއުލޭޝަން" ބިލު ތަޅުމުން ފާސްކުރަން ބާއްވާ ޖަލްސާ ސިއްރުން ބާއްވަން އުޅޭތީ މަޖިލިސް ދޮށަށް އެއްވުމަށް ކެންދޫ ދާއިރާގެ މެންބަރު މައުރޫފް ޒާކިރު (މަޓޭ) ގޮވާލައްވައިފި އެވެ.

ދައުރުން ބޭރުން ޖަލްސާއެއް އޮންނާނެކަން މަޖިލީހުގެ އިދާރާއިން އިއުލާނުކުރީ އިއްޔެ އެވެ. އެއާއެކު ރެ އާއި މިއަދު ނޫސްވެރިން ދަނީ މީޑިއާތަކަށް މައުލޫމާތު ދޭން މަޖިލީހުން ހަދާފައިވާ ވަޓްސްއެޕް ގްރޫޕުގައި އެޖެންޑާ އާއި ޖަލްސާ އޮންނަ ގަޑި ސާފުކުރުމަށް ސުވާލުކުރަމުންނެވެ. ތަކުރާރުކޮށް ކުރި ސުވާލުތަކަށް މަޖިލީހުގެ މީޑިއާ ޓީމުން މިހާތަނަށް ގްރޫޕަށް ފޮނުވި މެސެޖުގައި ބުނެފައިވަނީ ޖަލްސާގެ އެޖެންޑާ ފައިނަލް ވުމުން ހިއްސާ ކުރާނެ ކަމަށެވެ.

އެ ތަނުގައި ނޫސްވެރިން ކުރަމުން އަންނަ މުޒާހަރާގެ ތެރެއިން ވާހަކަ ދައްކަވަމުން މަޓޭ ވިދާޅުވީ މަޖިލީހަށް އައީ މަޖިލިސް ތެރޭގައި ޕީއެންސީގެ މެންބަރުން ހަރަކާތްތެރިވާ މަންޒަރު ފެނިގެން ކަމަށެވެ. މިހާތަނަށް އައިއިރު ވެސް އެޖެންޑާ ލިބިފައި ނުވާ ކަމަށް މަޓޭ ވިދާޅުވި އެވެ.

މައުޟޫޢުތަށް