ދިވެހި ނޫސްވެރިންގެ ހައްގުގައި ލަންކާގެ ނޫސްވެރިން ރާއްޖޭގެ ހައި ކޮމިޝަން ކުރިމަތީ މުޒާހަރާ ކުރަން ނިންމައިފި
އަދަދު
17 ސެޕްޓެމްބަރު 2025 | ބުދަ | 9:19
މިނިވަން މީޑިއާ އާއި މިނިވަން ހިޔާލުގައި ތަޅު އެޅުވުމަށްޓަކައި ރައްޔިތުންގެ މަޖިލީހުން އިއްޔެ ފާސްކުރި ބިލާ ދެކޮޅު ހެދުމަށް އަދި ދިވެހި ނޫސްވެރިންނަށް ހިތްވަރު ދިނުމަށް އަވައްޓެރި ސްރީލަންކާގެ ނޫސްވެރިން ކޮލަމްބޯގައި ހުންނަ ދިވެހި ހައިކޮމިޝަން ކުރިމަތީ މުޒާހަރާ ކުރަން ނިންމައިފި އެވެ.
ލަންކާގެ ނޫސްވެރިން ސޯޝަލް މީޑިއާގައި އާންމުކޮށްފައިވާ ޕޯސްޓަރެއްގައި ބުނީ މި މުޒާހަރާ އޮންނާނީ ލަންކާ ގަޑިން މިއަދު މެންދުރުފަހު 3:00 ޖަހާއިރު ކަމަށެވެ. ރާއްޖޭގެ ނޫސްވެރިކަމުގެ މިނިވަންކަމަށް ތާއީދުކުރީ ލަންކާގެ ރައްޔިތުންނަށް ވެސް މުޒާހަރާއަށް ވަނީ ދައުވަތު ދީފަ އެވެ.
ލަންކާގައި ދިރިއުޅޭ ބައެއް ދިވެހިން ވެސް މި މުޒާހަރާތަކުގައި ބައިވެރިވާނެ ކަމަށް ސޯޝަލް މީޑިއާގައި ލިޔެފައިވެ އެވެ.