މުއިއްޒުގެ ފަރާތުން މޯދީއަށް އުފަންދުވަހުގެ ތަހުނިޔާ
އަދަދު
18 ސެޕްޓެމްބަރު 2025 | ބުރާސްފަތި | 8:41
އިންޑިއާގެ ބޮޑުވަޒީރު ނަރެންދުރަ މޯދީއަށް 75 އަހަރު ފުރުމުގެ މުނާސަބަތުގައި އެމަނިކުފާނަށް ރައީސް މުހައްމަދު މުއިއްޒުގެ ފަރާތުން އިއްޔެ ތަހުނިޔާ ފޮނުއްވައިފި އެވެ.
ހާރިޖީ އޮފީހުން އެކްސްގައި ކުރެއްވި ޕޯސްޓެއްގައި ބުނެފައި ވަނީ އުފަން ދުވަހުގެ ތަހުނިޔާ ފޮނުއްވުމާއެކު ސަރަހައްދީ ކަންކަމުގައި މޯދީ އަދާ ކުރައްވާ އިސް ދައުރަށް މުއިއްޒު ޝުކުރު އަދާ ކުރެއްވި ކަމަށެވެ.
"ސަރަހައްދީ ކަންކަމުގައި މޯދީ އަދާ ކުރައްވާ އިސް ދައުރު ފާހަގަކޮށް އެކަމަށް ޝުކުރު އަދާ ކުރައްވައި، އިންޑިއާ އާއި ދިވެހިރާއްޖެއާ ދެމެދު އޮތް ގާތް ގުޅުމާއި އެއްބާރުލުން ފާހަގަ ކުރެއްވި،" އެ ޕޯސްޓުގައި ބުނެފައިވެ އެވެ.