އިންތިހާބާ ދިމާކޮށް އަނެއްކާވެސް މަސް ގަންނަ އަގު 20ރ. ބޮޑުކުރުމުގެ މަސައްކަތް ކުރަމުންދާ ކަމަށް މުއިއްޒު ވިދާޅުވެއްޖެ
އަދަދު
22 ސެޕްޓެމްބަރު 2025 | ހޯމަ | 12:38
މަސް ގަންނަ އަގު 20ރ. އަށްވުރެ ކުޑަ ނުކުރާނެ ކަމަށް ވިދާޅުވެ ރިޔާސީ ކެމްޕޭން ތެރޭގައި ވެވަޑައިގެންނެވި ވައުދު ފުއްދުމަށްޓަކައި މަސައްކަތް ކުރައްވަމުން ގެންދަވާ ކަމަށް ރައީސުލްޖުމްހޫރިއްޔާ މުހައްމަދު މުއިއްޒު ވިދާޅުވެއްޖެ އެވެ.
ރާއްޖޭގެ ބައެއް ރަށްރަށަށް މުއިއްޒު މިހާރު ކުރައްވަމުން ގެންދަވާ ދަތުރުގެ ތެރެއިން މިއަދު މ. ދިއްގަރަށް ވަަޑައިގެން އެ ރަށުގެ ރައްޔިތުންނާ ބައްދަލު ކުރައްވައި ވާހަކަދައްކަވަމުން މުއިއްޒު ވިދާޅުވީ ބައެއް ވައުދުތަކަކީ ވެރިކަމުގެ ފުރަތަމަ ދުވަހު ފުއްދޭ ކަމެއް ނޫން ކަމަށެވެ.
"ހަމަ ނަމެއްގައި މާދަމާއިން ފެށިގެން 20ރ. އޭ ބުނީމާ އަދި އެކަމެއް ނުއެއްވޭ، އެހެންވީމާ ހަމަ އެކަން ވެސް ހާސިލު ކުރުމަށްޓަކައި މިދަނީ ވަރަށް ބައިވަރު މަސައްކަތްތަކެއް އިންޑަސްޓްރީ ތެރެއިން މިނިސްޓްރީ އާއި އަދި މިފްކޯ އާއި ދެން ކަމާގުޅޭ ހުރިހާ ފަރާތްތަކާ އެކީގައި ސަރުކާރުން މިދަނީ މަސައްކަތް ކުރަމުން،" މުއިއްޒު ވިދާޅުވި އެވެ.