ގަވާއިދާ ހިލާފަށް ވިޔަފާރިކުރާ ދެ ބިދޭސީން ހުޅުމާލެއިން ހައްޔަރުކޮށްފި
އަދަދު
23 ސެޕްޓެމްބަރު 2025 | އަންގާރަ | 1:22
މޯލްޑިވްސް އިމިގްރޭޝަނާއި، ދިވެހި ފުލުހުންގެ ޚިދުމަތާއި މޯލްޑިވްސް ކަސްޓަމްސް ސާވިސް ގުޅިގެން ހިންގާ ގައުމީ އޮޕަރޭޝަންގެ ތެރެއިން ގަވާއިދާ ހިލާފަށް ވިޔަފާރިކުރަމުންދާ ދެ ބިދޭސީން ހުޅުމާލެއިން އިއްޔެ ހައްޔަރުކޮށްފި އެވެ.
ފުލުހުން ބުނީ އެ އޮޕަރޭޝަންގައި ހައްޔަރުކުރީ ބަންގްލަދޭޝްއަށް ނިސްބަތްވާ އެމްޑީ ޝަމިމް މިއާ، 37 އާއި އަލައުއްދީން، 22، ކަމަށެވެ.
އެ ދެ ބިދޭސީން ހައްޔަރުކުރީ އޮޕަރޭޝަންގެ ތެރެއިން ހުޅުމާލޭގައި ގަވާއިދާ ހިލާފަށް ބިދޭސީން ދިރިއުޅޭ ތަންތަން ބަލައިފާސްކޮށް، ހުއްދަ ނުނަގައި، ގަވާއިދާ ހިލާފަށް ވިޔަފާރިކުރާ ކަމަށް ތުހުމަތު ކުރެވޭތީ ކަމަށް ފުލުހުން ބުންޏެވެ.