މީޑިއާ ކޮންޓްރޯލް ކޮމިޝަނަށް މެންބަރުން އިންތިހާބުކުރާ ގަވާއިދު އާންމުކޮށްފި
އަދަދު
24 ސެޕްޓެމްބަރު 2025 | ބުދަ | 10:52
ނިވަން ނޫސްވެރިކަމާއި ހިޔާލުގައި ތަޅު އެޅުވޭ ގޮތަށް ހެދި ގާނޫނުގެ މީޑިއާތަށް ކޮންޓްރޯލް ކުރަން އުފެއްދި މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަނުގެ މެންބަރުން އިންތިހާބު ކުރެވޭ ގަވާއިދު މިރޭ އާންމުކޮށްފި އެވެ.
މި އިއުލާނުގައިވާ ގޮތުން މީޑީއާތައް ކޮންޓްރޯލް ކުރެވޭ ގޮތަށް އުފައްދާ ކޮމިޝަނަށް މީޑިއާތަކުން މެންބަރުން އިންތިހާބު ކުރުމަށް ބާއްވާ އިންތިހާބަށް އިލެކްޝަންސް ކޮމިޝަނުން އިއުލާނު ކުރާ ދުވަހުން ފެށިގެން އެ މަގާމަށް ކުރިމަތިލުމަށް 10 ދުވަހުގެ މުއްދަތެއް ލިބޭނެ އެވެ.
ހަތް މެންބަރުންގެ މައްޗަށް އެކުލެވިގެންވާ ކޮންޓްރޯލް ކޮމިޝަނަށް މީޑިއާތަކުން ހަތަރު މެންބަރުން އިންތިހާބު ކުރާނެ އެވެ. އޭގެތެރޭގައި ހިމެނޭނީ ބްރޯޑްކާސްޓިން މީޑިއާތައް ތަމްސީލު ކުރާ ދެ މެންބަރުންނާއި އެހެން މީޑިއާތައް ތަމްސީލު ކުރާ ދެ މެންބަރުންނެވެ.