އާންމުކޮށް އިއުލާނު ނުކޮށް، އިންތިހާއަށް އަގުބޮޑުކޮށް ކައުންސިލް އިމާރާތްތައް އަޅަން ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެންބަރު މުހައްމަދު ނާޒިމް އާއިލީ ކުންފުނި، އާރުސީސީއާ ހަވާލުކުރި މައްސަލަ އެންޓި ކޮރަޕްޝަން ކޮމިޝަން (އޭސީސީ) އިން ބަލަމުން ދާއިރު ވެސް އެ އިމާރާތްތަކުގެ ބިންގާ އެޅުން ހުއްޓުމެއް ނެތި ކުރިއަށް އެބަ ގެންދެ އެވެ.

ރާއްޖޭގެ 55 ރަށެއްގައި ކައުންސިލް އިމާރާތްތަކެއް އަޅަން އާރުސީސީއާ ހަވާލުކުރީ 631 މިލިއަން ރުފިޔާ އަށެވެ. އޭގެ ތެރޭގައި ގިނައީ އެއް ބުރީގެ ތަންތަނެވެ. މި މަޝްރޫއުގެ އިމާރާތެއްގެ އެވްރެޖް އަގަކީ 11.5 މިލިއަން ރުފިޔާ އެވެ.

އާންމުކޮށް އިއުލާނު ނުކޮށް އަދި އަގުބޮޑުކޮށް މަޝްރޫއު ހަވާލުކުރި މައްސަލަ ނޫސްތަކުން ލިޔަން ފެށި ފަހުން، އެ މައްސަލަ ބަލަމުންދާ ކަމަށް އޭސީސީން ހާމަކުރި އެވެ.

މައުޟޫޢުތަށް