ކުލި ނުދައްކާތީ އިހަވަންދޫ ރަށްވެހިގެއިން ވެމްކޯ ބޭރުކޮށްފި
އަދަދު
30 ސެޕްޓެމްބަރު 2025 | އަންގާރަ | 8:46
ވެމްކޯގެ އޮފީހެއް ހއ. އިހަވަންދޫގައި ގާއިމު ކުރަން ކުއްޔަށް ހިފި އިމާރާތަށް ކުލި ނުދައްކާތީ މުވައްޒަފުން ބޭރުކޮށް އިމާރާތުގައި ތަޅު އަޅުވައިފި އެވެ.
މިދިޔަ އަހަރު ބޭއްވި ރައްޔިތުންގެ މަޖިލީހުގެ އިންތިހާބާ ދިމާކޮށް އިހަވަންދޫގެ ކުނި މެނޭޖުކުރުމުގެ މަސައްކަތާ ވެމްކޯއިން ހަވާލުވަން އުޅުނުކަން ދައްކައި ބައެއް މުވައްޒަފުން ނެގި އެވެ. އަދި އޮފީސް ގާއިމުކުރިކަން ދައްކަން ކައުންސިލުން ބަލަހައްޓާ ރަށްވެހިގެ، ރަށްވެހިހިޔާގެ ބޭރުގައި ބޯޑު ހަރުކުރި އެވެ. ނަމަވެސް ފަހުން އެ ބޯޑު ނެގި އެވެ.
ރަށްވެހިހިޔާގެ ހޯލް ކުއްޔަށް ހިފަން ވެމްކޯއާއެކު ކައުންސިލުން އެއްބަސްވުން ހެދީ ޖޫން 1، 2025 ގަ އެވެ. ނަމަވެސް، އެ އެއްބަސްވުމުގައި ވެމްކޯއިން ސޮއިނުކުރާ ކަމަށާއި، އިމާރާތް ބޭނުން ކުރަމުން ދިޔަ ނަމަވެސް ކުލިވެސް ނުދައްކާ ކަމަށް ކައުންސިލުން ބުނެ އެވެ.