އެމެރިކާގެ ކަނޑުގެ ރިސާޗު އުޅަނދެއް ރާއްޖެ އައިސް މާލެ ކައިރީ ބަނދަރުކޮށްފި
އަދަދު
30 ސެޕްޓެމްބަރު 2025 | އަންގާރަ | 2:16
އެމެރިކާގެ ކަނޑުގެ ރިސާޗު އުޅަނދެއް ރާއްޖެ އައިސް މާލެ ސަރަހައްދުގައި ބަނދަރުކޮށްފި އެވެ.
މިވަގުތު ގުޅީފަޅު ބޭރުގައި ބަނދަރުކޮށްފައިވަނީ އެމެރިކާގެ އަމިއްލަ ކުންފުނި، ޕެސިފިކް ސާވާ ގްރޫޕުން ދުއްވާ އުޅަނދެއް ކަމަށްވާ "އޯޝަން ޓައިޓަން" އެވެ. މި އުޅަނދު ރާއްޖެ އައީ މިއަދު ހެދުނުގެ ވަގުތެއްގައި ކަމަށާއި މާލެ ކައިރި ބަނދަރުކުރީ މީގެ ދެތިން ގަޑިއިރު ކުރިން ކަމަށް ކަނޑު އުޅަނދުތައް ޓްރެކްކުރާ ސައިޓުތަކުން ދައްކަ އެވެ.
ސެޓްލައިޓު އޭއައިއެސް ޓްރެކިން ބޭނުންކޮށްގެން އަދަދު އިން އިތުރަށް ހޯދި ހޯދުމުން ފެންނަ ގޮތުގައި އޯޝަން ޓައިޓަން ރާއްޖެއަށް ދަތުރުކުރަން ފެށީ އޮސްޓްރޭލިއާ ކައިރި އޮތުމަށްފަހު އެވެ. މި ދަތުރު ފެށީ އޮގަސްޓު 31، ގަ އެވެ.