އެންއައިސީއަށް އައްޔަނުކުރަން ފެންނަ ހަތަރު ބޭފުޅެއްގެ ނަން މަޖިލީހަށް ފޮނުވައިފި
އަދަދު
2 އޮކްޓޯބަރު 2025 | ބުރާސްފަތި | 10:56
ނޭޝަނަލް އިންޓްގްރިޓީ ކޮމިޝަންގެ މެންބަރުކަމަށް އައްޔަނުކުރަން ރައީސުލްޖުމްހޫރިއްޔާ މުހައްމަދު މުއިއްޒުއަށް ފެނިވަޑައިގަންނަވާ ހަތަރު މެންބަރުންގެ ނަން މަޖިލީހަށް މިއަދު ފޮނުއްވައިފި އެވެ.
ނޭޝަނަލް އިންޓެގްރިޓީ ކޮމިޝަންއަށް މެންބަރުންތަކެއް އައްޔަނު ކުރަން މަޖިލީހަށް ފޮނުވީ އެ ކޮމިޝަނުގައި ތިއްބަވާ ހަތަރު މެންބަރުންގެ މެންބަރުކަމުގެ މުއްދަތު މިމަހުގެ 26 ވަނަ ދުވަހަށް ހަމަވާތީ އެވެ.
އެންއައިސީގައި ތިއްބެވި ފަސް މެންބަރުންގެ ތެރެއިން މިމަހު 26، ގައި މެންބަރުކަމުގެ މުއްދަތު ހަމަވަނީ އެ ކޮމިޝަނުގެ ރައީސް، ގާސިމް އަބްދުލްކަރީމް އާއި ނައިބުރައީސް، އާއިޝަތު ނިއުޝާގެ އިތުރުން މެންބަރު، އާމިނަތު ޝާދިޔާ އަދި ޝުއައިބު އަބްދުއްރަހްމާން އެވެ.