އޮކްޓޯބަރު 3 މުޒާހަރާ: ކަސްޓަމްސްގެ މުވައްޒަފުންނަށް މާދަމާ މަސް ބޭނުމުގެ މުބާރާތެއް
އަދަދު
2 އޮކްޓޯބަރު 2025 | ބުރާސްފަތި | 12:55
އޮކްޓޯބަރު 3، ގެ ރޭ އާޓިފިޝަލް ބީޗުގައި ބާއްވާ ބޮޑު މުޒާހަރާ ބޯމަތިވެފައިވަނިކޮށް ކަސްޓަމްސްގެ މުވައްޒަފުންނަށް ކުއްލި މަސްދަތުރެއް ރާވައިފި އެވެ.
އަދަދު އަށް މައުލޫމާތު ލިބިފައިވާ ގޮތުގައި ކަސްޓަމްސް އިން ވަނީ މަސް ބޭނުމުގެ މުބާރާތެއް ކުއްލިއަކަށް މާދަމާއަށް ރާވައިފަ އެވެ. މަހަށް ފުރަން ރާވާފައިވަނީ މާދަމާ ހަވީރުގެ ވަގުތެއްގަ އެވެ. މާދަމާ ރޭ އެމްޑީޕީގެ މުޒާހަރާ ކުރިއަށްދާއިރު ކަސްޓަމްސްގެ މުވައްޒަފުން ތިބޭނީ މަހަށް ގޮހެވެ.
ކަސްޓަމްސްގެ އިތުރުން ވެސް ސަރުކާރުގެ ގިނަ ކުންފުނިތަކުން އަންނަނީ މާދަމާ ރޭގެ މުޒާހަރާގައި މުވައްޒަފުން ބައިވެރިވެދާނެތީ ގިނަ ހަރަކާތްތަކެއް ރާވަމުންނެވެ. އޭގެ ތެރޭގައި އެޗްޑީސީ ވެސް ހިމެނެ އެވެ.