ހަންކެޑެ ތަރައްގީކުރަން އަލުން ހުޅުވާލައި، މި އަހަރު މަސައްކަތް ފަށާނަން: ތޯރިގު
އަދަދު
2 އޮކްޓޯބަރު 2025 | ބުރާސްފަތި | 1:57
އައްޑޫ ސިޓީ، ހަންކެޑެއިގައި ފަތުރުވެރިކަން ތަރައްގީކުރަން ބީލަމަށް ވަރަށް އަވަހަށް ހުޅުވާލާނެ ކަމަށް ޓޫރިޒަމް އެންޑް އެންވަރަމަންޓް މިނިސްޓްރު، ތޯރިގު އިބްރާހިމް މިއަދު ވިދާޅުވެއްޖެ އެވެ.
އެކްސް ގައި ތޯރިގު ކުރެއްވި ޕޯސްޓެއްގައި ވިދާޅުވީ ހަލާލް ޓޫރިޒަމް ތަރައްގީ ކުރުމަށް ހުޅުވާލި ރަށްތަކުގެ ލިސްޓުން ހަންކެޑެ އުނިކޮށްފައިވާތީ އެތަން އިންޓަގްރޭޓެޑް ޓޫރިޒަމް މަޝްރޫއެއްގެ ގޮތުގައި ތަރައްގީކުރުމަށް ބަލަންޖެހޭ ކަންކަން ބަލަމުންދާ ކަމަށެވެ.
"ބީލަމުގެ އުސޫލުން ފަތުރުވެރިކަން ތަރައްގީކުރުމަށް ހުޅުވާލުމުގެ އެންމެހައި މަސައްކަތްތައް މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓްއިން މިދަނީ ކުރަމުން،" ތޯރިގު ވިދާޅުވި އެވެ.